ສ້າງຂະບວນການ ອານາໄມລວມ ພາຍໃນອາຄານສະຖານທີ ຫ້ອງເຮັດວຽກ ແລະ ຫ້ອງປະຊຸມ

ໃນຕອນເຊົ້າ ຂອງວັນທີ 10 ມີຖຸນາ 2022 ໄດ້ສ້າງຂະບວນການອອກແຮງງານອະນາໄມລວມ ພາຍໃນຕຶກອາຄານສະຖານທີເຮັດວຽກ ແລະ ຫ້ອງປະຊຸມ ຂອງພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ເພື່ອເປັນການສືບຕໍ່ປະຕິບັດຂໍ້ແຂ່ງຂັນຂອງ 03 ອົງການຈັດຕັ້ງມະຫາຊົນພາຍໃນ ພຊສ ແລະ ເພື່ອເປັນການສ້າງຂະບວນການຂໍ່ານັບຮັບຕ້ອນວັນສໍາຄັນຕ່າງໆຂອງຊາດ ແລະ ສາກົນ ມີຜູ້ເຂົ້າຮ່ວມທັງໝົດ 54 ສະຫາຍ, ຍິງ 35 ສະຫາຍ.

ພິທີ ຮັບສະມາຊິກພັກສຳຮອງ ໜ່ວຍພັກ ຂະແໜງ ບໍລິຫານ ແລະ ຈັດຕັ້ງ

ຕອນແລງ ເວລາ 08 ໂມງ 30 ນາທີ ຂອງວັນທີ 21 ມີຖຸນາ 2022 ໜ່ວຍພັກ ຂະແໜງບໍລິຫານ ແລະ ຈັດຕັ້ງ ໄດ້ຈັດພິທີຮັບມະຫາຊົນກ້າວໜ້າເຂົ້າພັກສຳຮອງ ຢູ່ທີ່ຫ້ອງປະຊຸມ​ໃຫຍ່ ຊັ້ນ IV ຂອງພະແນກຊັບພະຍາກອນ ທຳມະຊາດ ແລະ ສິ່ງແວດລ້ອມ ແຂວງສະຫວັນນເຂດ ​ໂດຍ​ການປະທານຂອງ ສະຫາຍ ພູທອນ ຍອດບຸນເຮືອງ ກຳມະການພັກແຂວງ, ເລຂາຄະນະພັກຮາກຖານ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ມີເລຂາໜ່ວຍພັກ, ປະທານກວດກາພັກ, ຄະນະພັກ, ສະມາຊິກພັກ​ສົມບູນ ​ແລະ ສຳຮອງ ພາຍໃນໜ່ວຍເຂົ້າຮ່ວມທັງໝົດ 23 ສະຫາຍ, ຍິງ 11 ສະຫາຍ.

ໃນພິທີດັ່ງກ່າວ ສະຫາຍ ປິດຕາ ໄຊຍະລາດ ຄະນະພັກຮາກຖານ, ຮອງເລຂາໜ່ວຍພັກຂະແໜງບໍລິຫານ ແລະ ຈັດຕັ້ງ ໄດ້ຂື້ນຜ່ານ ມະຕິຕົກລົງຂອງຄະນະປະຈຳພັກແຂວງ ວ່າດ້ວຍການຮັບມະຫາຊົນກ້າວໜ້າເຂົ້າພັກສຳຮອງ ຈຳນວນ 2 ສະບັບຄື: ເລກທີ 495/ຄປພຂ, 496/ຄປພຂ ລົງວັນທີ 10 ພຶດສະພາ 2022; 

ຈາກນັ້ນ ສະຫາຍ ສີວິໄລພອນ ສີສຸວົງ ຄະນະພັກຮາກຖານ, ທັງເປັນເລຂາໜ່ວຍພັກຂະແໜງບໍລິຫານ ແລະ ຈັດຕັ້ງ ໄດ້ເປັນກຽດ ຂຶ້ນມອບມະຕິຕົກລົງຂອງຄະນະປະຈໍາພັກແຂວງ ວ່າດ້ວຍການອະນຸມັດຮັບເອົາມະຫາຊົນກ້າວໜ້າເຂົ້າເປັນສະມາຊິກພັກປະຊາຊົນປະຕິວັດລາວ ສະບັບເລກທີ 495-496 ພຶດສະພາ 2022 , ພ້ອມທັງໄດ້ ອະທິບາຍຄວາມໝາຍ, ສັນຍາລັກ ຂອງທຸງຊາດ ແລະ ທຸງພັກ ໃຫ້ສະຫາຍສະມາຊິກພັກສຳຮອງ ໄດ້ຮັບຮູ້ ແລະ ເຂົ້າໃຈ;

ໃນຕອນທ້າຍ ຂອງພິທີ ສະຫາຍ ພູທອນ ຍອດບຸນເຮືອງ ເປັນກຽດໂອ້ລົມຕໍ່ພິທີດັ່ງກ່າວ ເຊິ່ງສະຫາຍໄດ້ເລົ່າເຖີງມູນເຊື້ອ ແລະ ການເປັນມາຂອງພັກປະຊາຊົນປະຕິວັດລາວ, ຜ່ານກົດລະບຽບພັກ ປະຊາຊົນປະຕິວັດລາວ ສະໄໝທີ XI ໂດຍຫຍໍ້ ໃນນັ້ນສະຫາຍໄດ້ເນັ້ນໜັກຕໍ່ໜ້າທີສະມາຊິກພັກ, ຂໍ້ຫ້າມຂອງສະມາຊິກພັກ ແລະ  ຮຽກຮ້ອງມາຍັງ ຄະນະພັກ, ສະມາຊິກພັກ ທຸກສະຫາຍ ໃຫ້ມີທັດສະນະຫຼັກໝັ້ນດ້ານການເມືອງ – ແນວຄິດ, ຍົກສູງຄວາມ ຮັບ ຜິດຊອບເສຍສະຫຼະສ່ວນຕົວ ເພື່ອສ່ວນລວມ, ເປັນແບບຢ່າງທີ່ດີ ໃຫ້ແກ່ມະຫາຊົນ, ມີຄວາມສື່ສັດສຸດຈະລິດ ຕໍ່ໜ້າທີວຽກງານ, ມີຄວາມສາມັກຄີ ແລະ ເອົາໃຈໃສ່ຕໍ່ໜ້າທີການເມືອງ ທີ່ພັກມອບໝາຍໃຫ້ ແລະ ຝຶກຝົນຫຼໍ່ຫຼອມຕົນເອງເປັນສະມາຊິກພັກທີ່ດີເດັ່ນ, ປອດໃສ ເຂັ້ມແຂງ ໜັກແໜ້ນ.  ຫຼັງຈາກນັ້ນ ສະມາຊິກພັກໃໝ່ຂື້ນຮັບຄຳໂອ້ວາດ ແລະ ປະຕິຍານຕົນຕໍ່ພິທີ;

ພິທີດັ່ງກ່າວ ໄດ້ປິດລົງຢ່າງເປັນທາງການ ໃນເວລາ: 12:00 ນາທີ ຂອງວັນດຽວກັນ.

ກອງປະຊຸມການລາຍງານ, ປຶກສາຫາລື ແລະ ຜັນຂະຫຍາຍ ກ່ຽວກັບຈັດຕັ້ງປະຕິບັດ ແຜນຈັດສັນທີ່ດິນເບື້ອງຕົ້ນ ຂອງແຂວງສະຫວັນນະເຂດ

ໃນຕອນເຊົ້າຂອງວັນທີ 15 ມີຖຸນາ 2022 ເວລາ 8 ໂມງ 30 ນາທີ ຢູ່ທີຫ້ອງປະຊຸມຊັ້ນ 4 ຂອງພະແນກຊັບ ພະຍາກອນທໍາມະຊາດ ແລະ ສິ່ງແວດລ້ອມແຂວງ ໂດຍການເປັນປະທານ ຂອງທ່ານ ພູທອນ ຍອດບຸນເຮືອງ ຫົວ   ໜ້າພະແນກ ຊສ ແຂວງ ມີພະແນກການອອ້ມຂ້າງແຂວງ ເຊັ່ນ: ສະພາປະຊາຊົນແຂວງ, ພະແນກຍຸຕິທໍາ, ພະແນກກະສິກໍາ ແລະ ປ່າໄມ້, ພະແນກໂຍທາທິການ ແລະ ຂົນສົ່ງ, ພະແນກ ຖວທ, ເຂດເສດຖະກິດພິເສດ, ກອງບັນຊາການ ປກຊ ແຂວງ, ພະແນກອຸດສາຫະກໍາ ແລະ ການຄ້າ, ພະແນກພະລັງງານ ແລະ ບໍ່ແຮ່, ຂະແໜງການທີ່ຂຶ້ນກັບພະແນກ ຊສ ເຊິ່ງມີຜູ້ເຂົ້າຮ່ວມທັງໝົດ 21 ທ່ານ, ຍິງ 04 ທ່ານ;

ທ່ານ ປະທານກອງປະຊຸມ ໄດ້ມີຄໍາເຫັນ ຕໍ່ກັບການຈັດຕັ້ງປະຕິບັດ ເຊິ່ງໃນເບື້ອງຕົ້ນ ການຜັນຂະຫຍາຍແຜນຈັດສັນທີ່ດິນ ໃນໄລຍະຜ່ານມາ ໃນແຕ່ລະຂະແໜງການທີ່ຄຸ້ມຄອງທີ່ດິນ ຕາມຂໍ້ຕົກລົງ ຂອງທ່ານເຈົ້າແຂວງໆສະ ຫວັນນະເຂດ ສະບັບເລກທີ 0811/ຈຂ.ສຂ, ລົງວັນທີ  04 ພຶດສະພາ 2021 ເຖິງປັດຈຸບັນ ການຈັດຕັ້ງປະຕິບັດ, ຂໍ້ສະດວກ, ຂໍ້ຫຍຸ້ງຍາກ, ວິທີການໃນການແກ້ໄຂ ແລະ ທິດທາງແຜນການໃນການຈັດຕັ້ງປະຕິບັດໃນຕໍ່ໜ້າ.

• ທ່ານ ບູລິກາ ອິນທິລາດ ຮອງຫົວໜ້າພະແນກ ( ຫົວໜ້າຂະແໜງທີ່ດິນ ) ຜ່ານຂໍ້ຕົກລົງຂອງທ່ານ ເຈົ້າແຂວງສະບັບເລກທີ 0811/ ຈຂ.ສຂ, ລົງວັນທີ 04/05/2021 ວ່າດ້ວຍການແບ່ງຄວາມຮັບຜິດຊອບ ໃນການຈັດຕັ້ງປະຕິ ບັດ ແຜນຈັດສັນທີ່ດິນເບື້ອງຕົ້ນ ຂອງແຂວງສະຫວັນນະເຂດ ຮອດປີ 2025 ເຊິ່ງຊີ້ໃຫ້ເຫັນເຖິງພາລະບົບບາດ, ຄວາມຮັບຜິດຊອບ ແຕ່ລະພາກສ່ວນ, ຂະແໜງການທີ ຄຸ້ມຄອງທີ່ດິນ ຕາມ 08 ປະເພດທີ່ດິນ: ຕາມມາດຕາ 31 ຂອງກົດໝາຍທີ່ດິນ ສະບັບປັບປຸງ ເລກທີ 70/ສພຊ, ລົງວັນທີ 21 ມີຖຸນາ

• ກອງປະຊຸມໄດ້ຮັບຟັງບັນດາພະແນກການລາຍງານ,ປະກອບຄໍາເຫັນຈາກພາກສ່ວນທີ່ກ່ຽວຂ້ອງ,ຂະແໜງ ການຕ່າງໆ.

ສັງລວມແລ້ວຜ່ານການກວດກາ, ລາຍງານຂອງແຕ່ລະແໜງການຕ່າງໆ ເລີ່ມແຕ່ວັນທີ 22 ກັນຍາ 2021 ມາເຖິງປະຈຸບັນ: ເຫັນວ່າບາງຂະແໜງການກໍ່ໄດ້ຜັນຂະຫຍາຍແຜນຈັດສັນທີ່ດິນ ເຂົ້າໃນຂົງເຂດຕົນ ເຊິ່ງໄດ້ມີການສໍາຫຼວດທີ່ດິນບາງປະເພດ, ການສົມທົບຂໍ້ມູນ, ການຕິດຕາມສັງລວມເປັນປົກກະຕິ, ມີງົບປະມານສະໜັບສະໜູນຈາກໂຄງການຕ່າງໆ, ມີການປະສານສົມທົບກັບພາກສ່ວນທີ່ກ່ຽວຂ້ອງ, ອໍານາດການປົກຄອງແຕ່ລະຂັ້ນ. ຄຽງຄູ່ກັນນັ້ນກໍ່ຍັງມີຫຼາຍຂະແໜງການ ທີ່ຍັງບໍ່ທັນໄດ້ດໍາເນີນການສໍາຫຼວດຈັດສັນທີ່ດິນຂອງຕົນເທື່ອ. ເຮັດໃຫ້ການຜັນຂະຫຍາຍແຜນຈັດສັນທີ່ດິນເບື້ອງຕົ້ນ ຍັງບໍ່ທັນປະຕິບັດບໍ່ທັນໄດ້ດີເທົ່າທີຄວນ.

ກອງປະຊຸມໄດ້ດໍາເນີນ ມາຮອດເວລາ 11 ໂມງ 47 ນາທີ ກອງປະຊຸມກໍ່ໄດ້ປິດລົງຢ່າງຈົບງາມ.

ສ້າງຂະບວນການ ອະນາໄມລວມ ເພື່ອຄໍານັບຮັບຕ້ອນ ວັນສຳຄັນຕ່າງໆຂອງຊາດ ແລະ ສາກົນ

  ໃນຕອນເຊົ້າ ຂອງວັນທີ 27 ພຶດສະພາ 2022 ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ໄດ້ພ້ອມພາກັນສ້າງຂະບວນການອອກແຮງງານ ອະນາໄມລວມ ຕາມຂອບເຂດບໍລິເວນ ອອ້ມຂ້າງຂອງພະແນກການຕົນ ທັງນີ້ກໍ່ເພື່ອເປັນການສ້າງຂະບວນການຄໍານັບຮັບຕ້ອນວັນສຳຄັນຕ່າງຂອງຊາດ ແລະ ສາກົນ.