ກອງປະຊຸມທາບທາມບຸກຄະລາກອນ ເຂົ້າໃສ່ໂຄງປະກອບກົງຈັກ ການຈັດຕັ້ງ ຂອງ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ
ໃນຕອນເຊົ້າເວລາ 08 ໂມງ 30 ນາທີ ຂອງວັນທີ 20 ຕຸລາ 2020, ໄດ້ຈັດກອງປະຊຸມວຽກງານວິຊາການ ພຊສ ແຂວງ ເພື່ອທາບທາມບຸກຄະລາກອນ ເຂົ້າໃສ່ໂຄງປະກອບກົງຈັກການຈັດຕັ້ງ ຂອງ ພຊສແຂວງ ທີ່ຫ້ອງປະຊຸມຊັ້ນ 04 ຂອງພຊສ ແຂວງ ພາຍໄຕ້ການເປັນປະທານຮ່ວມກອງປະຊຸມ ຂອງ ທ່ານ ບົວສອນ ມະຫາວົງ ກໍາມະການພັກແຂວງ, ຄະນະຈັດຕັ້ງແຂວງ ແລະ ທ່ານ ພູທອນ ຍອດບຸນເຮືອງ ຫົວໜ້າພະແນກ ຊສ ແຂວງສະຫັວນນະເຂດ, ເຂົ້າຮ່ວມກອງປະຊຸມຄັ້ງນີ້ມີທ່ານຫົວໜ້າຮອງຫົວໜ້າ 08 ຂະແໜງການອ້ອມຂ້າງ ພຊສ ແຂວງ ພ້ອມດ້ວຍວິຊາການເຂົ້າຮ່ວມທັງໝົດ 103 ທ່ານ, ຍິງ 40 ທ່ານ.
ກອງປະຊຸມທາງໄກ Video Conference ກ່ຽວກັບ ການແລກປ່ຽນບົດຮຽນການຄຸ້ມຄອງສິ່ງເສດເຫຼືອ ລະຫວ່າງ ສປປລາວ ກັບ ສປ ຈີນ.
ໃນຕອນບ່າຍເວລາ 13:30 ນາທີ ຂອງວັນທີ 19 ຕຸລາ 2020, ພະແນກ ພຊສ ແຂວງສະຫັວນນະເຂດໄດ້ເຂົ້າຮ່ວມ ກອງປະຊຸມທາງໄກ (Video Conference) ພາຍໃຕ້ເປັນປະທານກອງປະຊຸມຂອງ ທ່ານ ສົມມາດ ພົນເສນາ ລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ກະຊວງນິເວດ-ສິ່ງແວດລ້ອມ(ສປປຈີນ), ຫົວໜ້າກົມມີບັນດາພາກສ່ວນກ່ຽວຂ້ອງຂອງ ກຊສ ແລະ ພະແນກ ຊສ 17 ແຂວງ ແລະ ພຊສ ນະຄອນຫຼວງວຽງຈັນ ຢ່າງພ້ອມພຽງ.
ການມອບ - ຮັບ ວຽກປະຊຸມທາງໄກ ແລະ ອຸປະກອນປະຊຸມທາງໄກ ລະຫວ່າງຂະແໜງແຜນການສະຖິຕິ ແລະ ຂໍ້ມູນ-ຂ່າວສານ ກັບ ຂະແໜງບໍລິຫານ ແລະ ການເງິນ
ໃນຄັ້ງວັນທີ 16 ຕຸລາ 2020 ທີ່ຫ້ອງປະຊຸມຊັ້ນ 02 ຂອງພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງໄດ້ມີການມອບ - ຮັບວຽກປະຊຸມທາງໄກ ແລະ ອຸປະກອນປະຊຸມທາງໄກ ລະຫວ່າງຂະແໜງແຜນການສະຖິຕິ ແລະ ຂໍ້ມູນຂ່າວ ກັບ ຂະແໜງບໍລິຫານ ແລະ ການເງິນ, ໂດຍອີງຕາມທິດຊີ້ນຳຂອງທ່ານ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງຄັ້ງວັນທີ 15 ຕຸລາ 2020, ອຸປະກອນທີ່ມອບໃນຄັ້ງນີ້ມີ 19 ລາຍການ, ມອບໃຫ້ຂະແໜງບໍລິຫານ ແລະ ການເງິນ ເປັນຜູ້ຮັບຜິດຊອບວຽກປະສານງານປະຊຸມທາງໄກ ແລະ ການຄຸ້ມຄອງອຸປະກອນ ປະຊຸມທາງໄກ.
ກອງປະຊຸມສະຫຼຸບວຽກງານຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ ເມືອງ ທ່າປາງທອງ ປະຈຳ 09 ເດືອນ ແລະ ວາງທິດທາງແຜນການ 03 ເດືອນທ້າຍປີຄັ້ງວັນທີ 01 ຕຸລາ 2020
ໃນເວລາ 08ໂມງ 00 ນາທີ ຂອງວັນທີ 06 ເດືອນຕຸລາ 2020 ທີ່ຫ້ອງປະຊຸມຊັ້ນ 2 ຫ້ອງວ່າການປົກຄອງເມືອງທ່າປາງທອງ, ແຂວງສະຫັວນນະເຂດ ຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມເມືອງທ່າປາງທອງ ໄດ້ຈັດໃຫ້ມີກອງປະຊຸມສະຫຼຸບວຽງານ ໃນໄລຍະ 9 ເດືອນ ຜ່ານມາ ແລະ ວາງແຜນການຈັດຕັ້ງປະຕິບັດ ວຽງານໃນໄລຍະ 3 ເດືອນ ທ້າຍປີ, ໂດຍການເປັນປະທານຮ່ວມຂອງ ທ່ານ ສີທະນົນໄຊ ສີລິວົງ ຮອງເຈົ້າເມືອງໆທ່າປາງທອງ ແລະ ທ່ານ ພູທອນ ຍອດບຸນເຮືອງ ຫົວໜ້າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ທີ່ໄດ້ເປັນກຽດເຂົ້າຮ່ວມ, ພ້ອມດ້ວຍພະແນກການອ້ອມຂ້າງເມືອງ ທ່ານ ສີຊະນະ ວົງດາລາ ຫົວໜ້າຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມເມືອງ ກໍ່ໄດ້ລາຍງານການຈັດຕັ້ງປະຕິບັດວຽງານຊັບພະຍາກອນທໍາມະຊາດ ແລະ ສິ່ງແວດລ້ອມ ໃນໄລຍະ 9 ເດືອນ ຜ່ານມາ ແລະ ທິດທາງແຜນການ 3 ເດືອນ ທ້າຍປີ 2020,
ກອງປະຊຸມສະຫຼຸບວຽກງານຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ ເມືອງ ສອງຄອນ ປະຈຳ 09 ເດືອນ ແລະ ວາງທິດທາງແຜນການ 03 ເດືອນທ້າຍປີຄັ້ງວັນທີ 02 ຕຸລາ 2020
ໃນເວລາ 08ໂມງ 00 ນາທີ ຂອງວັນທີ 02 ເດືອນຕຸລາ 2020 ທີ່ຫ້ອງປະຊຸມຫ້ອງວ່າການປົກຄອງເມືອງຈໍາພອນ, ແຂວງສະຫັວນນະເຂດ ຫ້ອງການຊັບພະຍາກອນ ທໍາມະຊາດ ແລະ ສິ່ງແວດລ້ອມເມືອງ ສອງຄອນ ໄດ້ຈັດໃຫ້ມີກອງປະຊຸມສະຫຼຸບວຽງານ ໃນໄລຍະ 9 ເດືອນ ຜ່ານມາ ແລະ ວາງແຜນການຈັດຕັ້ງປະຕິບັດ ວຽງານ ໃນໄລຍະ 3 ເດືອນ ທ້າຍປີ, ໂດຍການເປັນປະທານກອງປະຊຸມ ສະຫລູບ ວງກງານ ປະຈໍາ 9 ເດືອນ ແລະວາງແຜນ 3ເດືອນ ທ້າຍປີ 2020 ຂອງຫ້ອງການຊສ ເມືອງ ສອງຄອນ ໂດຍການເປັນປະທ່ານ ຂອງ ທ່ານ ລໍາຄູນ ວີລະວົງ ເລຂາພັກເມືອງ ເຈົ້າເມືອງ ສອງຄອນ ແລະ ທ່ານ ພູທອນ ຍອດບຸນເຮືອງ ຫົວຫ້ນາ ພຊສ ແຂວງ,
Page 16 of 25